Македонскиот прволигаш Тиквеш одговори на соопштението на ФК Гостивар, со свој став кој го изнесе во јавноста.
Во соопштението на ФК Тиквеш, се вели:
Во врска со денешните случувања на натпреварот од 24-то коло кој го одигравме на домашен терен, го споделуваме следното:
Фудбалот е спорт во кој на крајот на натпреварот има победници и поразени.
Натпревар не се добива по моменталниот ранг на табелата или по тоа кој финансира во клубот.
Јавно го поддржуваме новото раководство на ФФМ да ги санкционира сите девијантни и неспортски однесувања на фудбалските терени, посебно на службените лица на екипите.
ГФК Тиквеш не го заслужува моменталниот пласман на табелата, кој за жал од оправдани причини е реалност, но ние како раководство секогаш одговорноста ја бараме во нашата игра и нашиот тим, а не во судиите, службените лица и противниците.
ГФК ТИКВЕШ ЌЕ ОСТАНЕ СТАБИЛЕН ПРВОЛИГАШ УШТЕ ДОЛГИ ГОДИНИ ВО МАК ФУДБАЛОТ, БИДЕЈЌИ КЛУБОТ ОД НЕГОВОТО СОЗДАВАЊЕ ФУНКЦИОНИРА ЧЕСНО И ПОШТЕНО !
