Connect with us

ФФМ објави: Билетите за Косово распродадени за рекордно време

Фудбалската Федерација на Македонија објави дека сите билети за бараж-дуелот од Лигата на Нации меѓу Македонија и Косово се распродадени за рекордно време. „Црвено-жолтите“ имаат одлична можност да стигнат до историски прв пласман на европските шампионати, па јасно е зошто сите билети беа продадени за само неколку дена.

Останува да се следи ситуацијата со коронавирусот во Македонија, со оглед на последната изјава на Министерот за Здравство, Венко Филипче, дека негов личен став е дека овој натпревар треба да се игра без публика на трибините.

„Сите спортски натпревари, вклучително и Македонија-Косово, според мене треба да се играат без публика. Да бидеме внимателни, очекуваме на меѓународни натпревари да има гости од странство. Оваа забрана (за масовни јавни собири) ќе препорачаме да трае уште една недела, до 13-ти, но во зависност од ситуацијата можно е да донесеме друга одлука“ – изјави министерот за здравство на Макеодонија, Венко Филипче на денешната прес-конференција.

Од ФФМ нагласуваат дека доколку Министерството за здравство и Владата на РСМ донесат одлука за натпреварот тие, во консултација и со УЕФА, ќе мора истата да ја почитуваат.

„Доколку се донесе одлука натпреварот меѓу Македонија и Косово да се игра без публика, тогаш ќе им бидат вратени средствата на сите кои купиле билети“ – изјави вчера и портпаролот на ФФМ, Златко Андоновски.

Advertisement
Advertisement
Advertisement

Facebook

Тимови