Фудбалската федерација на Македонија продолжува со активности. Претседателот на ФФМ, Масар Омерагиќ, објави дека теренот број 1 на тренинг-центарот „Петар Милошевски“ е обновен, а исто така е направен и нов паркинг простор.
„Го обновуваме нашиот тренинг-центар ‘Петар Милошевски’. Целосно го реконструираме теренот број 1 – со нова дренажа и тревна подлога. Дополнително, направивме нов паркинг простор, пристап до трибините на теренот 2 и нов визуелен изглед на центарот. Создаваме современи услови за развој и работа на сите наши национални селекции“, информираше претседателот на ФФМ, Масар Омерагиќ.
