Фудбалската федерација на Косово жестоко го казни тимот на Феризај за одбивање да прими сребрени медали во финалето на Купот, речиси идентичен случај каков што беше и со Шкендија во финалето на македонскиот Куп.
Феризај е исфрлен две години надвор од Купот на Косово.
Тренерот Арсим Абази е казнет со едногодишна забрана за работа во фудбалот.
Директорот Генц Хисени е казнет со едногодишна забрана за работа во фудбалот.
Клупските функционери Бетим Исуфи и Арбен Ќерими се казнети со по шест месеци забрана за вршење функции во фудбалот.
Фудбалерот Бетим Хаџимуса е суспендиран на осум официјални натпревари.
Фудбалерот Куштрим Шабани е казнет со четири натпревари неиграње.
Во брз рок и Фудбалската федерација на Македонија треба да ја изрече дисциплинската мерка за тимот на Шкендија и дел од актерите.
