Ференцварош, Макаби ТА, Карабах, потенцијални следни ривали на Шкендија во ЛШ

Македонскиот првак Шкендија ги дозна трите потенцијални ривали во третото квалификациско коло од Лигата на шампионите, доколку успее да го елиминира романскиот шампион ФЦСБ во втората рунда.

Победникот од двомечот меѓу Шкендија и ФЦСБ е рангиран меѓу неносителите за следното коло од квалификациите за ЛШ, а како потенцијални ривали ги има победникот од дуелот Ноа (Ерменија) – Ференцварош (Унгарија), победникот од двомечот Пафос (Кипар) – Макаби Тел Авив (Израел) и победникот од пресметката Шелбурн (Ирска) – Карабах (Азербејџан).

Ждребот ќе се одржи во 12 часот во Нион.