Турскиот гигант Фенербахче започна официјални преговори за ангажман на белгискиот напаѓач Ромелу Лукаку, а фудбалерот е отворен за можноста кариерата да ја продолжи во Истанбул.
Според последните информации, Наполи е подготвен да го продаде искусниот напаѓач. Лукаку веќе имал директен разговор со претседателот на Фенербахче, по што дал позитивен сигнал за премин во турскиот шампионат.
Интерес за Белгиецот покажува и американскиот МЛС-тим Атланта Јунајтед.
Преговорите меѓу клубовите и таборот на фудбалерот се во полн ек и се очекува брзо решение.
