Килијан Мбапе е незапирлив. Го почувствува тоа Жерар Пике, а и комплетната одбрана на Барселона. Францускиот напаѓач постигна хет – трик за Пари Сен Жермен во вечерашниот триумф (1-4) на „Камп Ноу“ и се запиша во историјата. Тој стана првиот играч кој постигнал три гола против Барселона во меч од нокаут фазата во елитното европско клупско натпреварување.
Хет – трик има постигнато и Андриј Шевченко, и тоа во дресот на Динамо Киев во далечната 1997 година, но во групната фаза од Лигата на шампионите.
