Чаби Алонсо застана на страната на навивачите на Реал Мадрид, кои за време на натпреварот против Севилја го исвиркаа Винисиус Жуниор.
Реал Мадрид успешно ја испрати годината со триумф, а славеникот Мбапе го израмни рекордот на Роналдо.
Чаби Алонсо не ја поддржа постапката на фановите, но изјави дека имаат право на вакви реакции кога екипата не игра добро.
„Навивачите се слободни и имаат целосно право слободно да го искажат своето мислење. Беше тежок натпревар поради начинот на кој се одвиваа работите за нас. Има работи што можеме да ги подобриме, но ја земам предвид состојбата во тимот и повредите што ги имавме.
Ќе го искористиме периодот за одмор и ќе ја започнеме годината посилни. Не сум тука за да судам. Ја знаеме нашата ситуација, имаме одредени очекувања и доза на самокритичност што ќе ни овозможи да играме подобро. Знаеме дека не играме на нашето ниво и сакаме да се подобриме“, изјави Алонсо.
Потоа тренерот на „кралевите“ додаде дека во овој момент најважно е тоа што екипата ги освоила трите бода.
„Некои работи не се одвиваа како што сакавме, а во други сегменти бевме поблиску до посакуваниот резултат, но сепак ги освоивме трите бода“, истакна Чаби Алонсо.
