Фахд Нзенге е второто засилување на Шкендија (ВИДЕО)

Фахд Нзенге е второто засилување на Шкендија за вториот дел од сезоната. Напаѓачот на Брера како слободен агент потпиша актуелниот македонски шампион и учесник во шеснаесеттинафиналето од Лигата на конференции.

Тетовскиот клуб испрати јасна порака до конкуренцијата, ангажирајќи еден од најефикасните и најквалитетни напаѓачи во ПМФЛ. Со овој трансфер, Шкендија значително ја засилува офанзивата и ги подигнува амбициите на уште повисоко ниво.

Нзенге е второто ново име во редовите на Шкендија во зимскиот преоден рок, откако неодамна клубот го обезбеди и потписот на Дрилон Ислами.