Фаџоли од Јувентус е избран за најдобар млад фудбалер во Серија А

Талентираниот играч за врска на Јувентус, Николо Фаџоли е избран за најдобар млад играч во Серија А за изминатата сезона. Тој ја доби честа во конкуренција на Томазо Балданзи од Емполи и дефанзивецот на Аталанта, Џорџо Скалвини.

И покрај тоа што се здоби со повреда на крајот на сезоната, Фаџоли имаше 26 настапи во Серија А оваа сезона, постигнувајќи три гола и забележа четири асистенции.

Фаџоли е дел од академијата на „бјанконерите“ од 2015 година.