Фудбалерот од средниот ред на Јувентус, Николо Фаџоли, нема да може да игра фудбал во следните седум месеци. Талентот успеа да добие ваква казна откако активно му помагаше на обвинителството во скандалот со нелегално обложување што го потресе италијанскиот фудбал.
Од трите години што се предвидени според правилата за вакви прекршувања, неговата санкција е намалена за повеќе од половина. Официјално забраната е 12 месеци, но реално Фаџоли ќе паузира седум месеци, а преостанатите пет во форма на план за рехабилитација играчот мора да ги помине за да се справи со својата зависност од коцкање.
Ова вклучува најмалку 10 јавни состаноци во центрите за откажување од коцкање. На ова се додава казна од 12.500 евра.
Терапијата на Фаџиоли мора да трае минимум половина година, иако таа, во комбинација со гореспоменатите општествени обврски на играчот, заменува пет месеци од неговата санкција.
Казната и официјално ја потврди италијанската фудбалска федерација.
Во обвинителството денеска беше и уште еден италијански државјанин кој се вклучи во скандалот, Сандро Тонали. Неговата стратегија е слична на онаа на Фаџоли – тој се обидува да ја минимизира казната со соработка со истражните органи.
