Македонскиот првак Вардар беше на прагот на сензација, имаше 0-2 против Рига до 87.минута, а потоа прими гол кој го одведе мечот во продолженија, а таму Рига уште четирипати ја затресе мрежата на Давор Талески.
Тренерот Кристијан Фабијани потенцира дека Вардар го делеа само три минути од голем успех, иако речиси цел натпревар играше со фудбалер помалку поради исклучувањето на Најдовски.
„Три минути не делеа од посакуваниот резултат. На терен стоевме перфектно, екипата доста беше координирана и имаше ред во играта. Тактички ги затворивме сите приоди на противникот иако игравме скоро 80 минути во регуларниот дел со играч помалку. По примениот гол веќе не можевме уште цели 30 минути со играч помалку. Меѓутоа сум презадоволен од тоа како екипата беше поставена на теренот и се бореше”, изјави Кристијан Фабијани.
