Пари Сен Жермен има предност од 1-0 против Арсенал по првото полувреме од реванш мечот во полуфиналето на Лигата на шампионите. Ако се земе во предвид и првиот натпревар во Лондон, сега францускиот првак има два гола позитива и е многу поблиску до пласман во финалето.
Арсенал подобро го почна мечот, а Џанлуиџи Донарума имаше фантастична интервенција спасувајќи сигурен гол по шутот на Мартин Одегард.
Во 28.минута, Фабијан Руиз испрати проектил и донесе водство за ПСЖ. По ова, Бредли Баркола имаше уште една одлична шанса во противнапад, но Раја го одбрани неговиот удар.
