Советот на ФИФА на состанокот во Доха го потврди бројот на репрезентациите кои ќе бидат дел од фудбалскиот турнир на Олимписките игри што ќе се одржат во Лос Анџелес во 2028 година.
На машкиот турнир ќе партиципираат 12 селекции од кои покрај домаќинот САД, Европа ќе ја претставуваат три национални тима, по двајца претставници ќе имаат Африка, Азија и Јужна Америка додека Северна и Централна Америка и Океанија ќе имаат еден претставник.
Кај дамите ќе настапат 16 репрезентации, а Стариот континент ќе го застапуваат четири селекции, три ќе бидат од Јужна Америка, по два од Африка, Азија и Централна и Северна Америка.
Последниот учесник покрај домаќинот САД ќе биде познат по одигрување на бараж натпревар меѓу репрезентација од Азија и КОНКАКАФ зоната.
