Челси на „Стемфорд Бриџ“ славеше против Ливерпул со 2-1, благодарение на драматичниот погодок на младиот Бразилец Естевао во судиското продолжение. Со овој резултат, се продлабочи кризата на тимот на Арне Слот. Ливерпул има три порази во низа, два во Премиер – лигата и еден во Лигата на шампионите, што го запали црвениот аларм.
Домаќините рано ја презедоа иницијативата и поведоа уште во 14. минута кога Мало Густо му асистираше на Каиседо, кој со прекрасен удар ја затресе мрежата на „црвените“.
Пет минути подоцна Шоболшаи се најде во добра позиција, но неговиот обид беше блокиран.
На стартот од вториот дел Салах сериозно се закани, а израмнувањето стигна во 63. минута – Гакпо ја искористи асистенцијата на Александер Исак и погоди за 1-1.
Финишот понуди вистинска драма. Челзи прво не успеа да реализира преку Естевaо и Каиседо, а Ливерпул не одговори преку Шобошлаи.
Сепак, во 96. минута токму Естевaо се најде на вистинското место и со прецизен удар донесе огромна победа за „сините“. Финишот на мечот не го дочека и тренерот Енцо Мареска од Челси, кој доби црвен картон, поради претераната радост.
