Данскиот репрезентативец Кристијан Ериксен вчера бил опериран и успешно му бил вграден пејсмејкер со дефибрилатор. Како што откриваат италијанските медиуми, тој за еден месец ќе треба да мине нови детални проверки и доколку се утврди дека проблемот со срцето е само привремен, можно е дефибрилаторот да биде отстранет.
Само во таков случај Ериксен би можел да продолжи да игра фудбал во Серија А.
Фудбалерот на Интер преживеа срцев удар во 42. минута од натпреварот меѓу Данска и Финска на Европското првенство.
