Аргентинскиот фудбалер Ерик Ламела по три години ја напушта Севилја. Шпанските медиуми пренесуваат дека поранешниот аргентински репрезентативец ќе бара нова средина како слободен играч.
Ламела дојде во Севилја во 2021 година од Тотенхем, а минатата сезона со овој тим ја освои Лигата на Европа.
Поголемиот дел од својата кариера го помина во лондонскиот тим, бидејќи осум сезони играше за Тотенхем.
Кариерата во Европа ја започна во Рома, додека матичен клуб му е Ривер Плата.
За аргентинската репрезентација забележа 25 настапи и постигна три гола.
