Иднината на Енцо Мареска во Челси е неизвесна по домашниот пораз од Астон Вила со 1-2 во натпреварот од 18. коло на Премиер – лигата. Лондонските „сини“ водеа со 1-0, но дозволија пресврт во второто полувреме.
Според британските медиуми, италијанскиот менаџер добил јасен ултиматум од раководството на клубот, а неговата судбина ќе зависи од резултатот во претстојниот натпревар против Борнмут.
„Мислам дека доминиравме околу еден час, додека не примивме гол. До тој момент бевме многу добри и требаше да постигнеме уште 2-3 погодоци. Причината не е во недостаток на искуство. За жал, играта се промени малку по тоа. Измените што противникот ги направи во второто полувреме го сменија текот на натпреварот. Воткинс, Онана и Санчо значително го подобрија настапот на Вила. Не го повлеков Кол Палмер од игра поради здравствени проблеми, тој многу работеше и беше изморен. Сепак, севкупно, одигра добар натпревар“, изјави Мареска.
