Емотивен пристап имаше коментаторот на „РТС“, Александар Стојановиќ, кој не можеше да ги задржи солзите кога најави минута молк во знак на почит пред натпреварот меѓу Србија и Австрија.
Фудбалерите на двете селекции со минута молчење им оддадоа почит на жртвите од големата трагедија во Кочани, како и на поранешните фудбалери Андрија Делибашиќ и Радиша Илиќ, на Душан Маравиќ, како и на Вукашин Црнчевиќ, шеснаесеттата жртва од уривањето на настрешницата во Нови Сад.
Србија победи со 2-0 и успеа да опстане во А-дивизијата во Лигата на нации.
