Македонскиот репрезентативец Елиф Елмас би можел повторно да го облече дресот на Наполи, јавува „Кориере дело Спорт“. Според информациите, постои реална можност тој да се врати во клубот со кој ја освои титулата во Серија А.
Минатата сезона Елмас настапуваше како позајмен играч во Торино, откако во Лајпциг немаше голема минутажа. Сега Наполи планира да испрати официјална понуда до бундеслигашот, но засега не е познато дали германскиот клуб ќе биде подготвен да го пушти во Италија.
Во својата досегашна кариера, Елмас настапуваше за Работнички, Фенербахче, Наполи, Лајпциг и Торино.
