Поранешниот тренер на Академија Пандев, Југослав Тренчовски, заминува на печалба во Кувајт. Тој ќе стартува интернационална кариера во Ал Араби. Ќе биде посветен на работата со фудбалската академија на клубот, а ќе го подготвува и Б-тимот на Ал Араби.
Првиот тим на овој клуб го предводи хрватскиот стратег Анте Мише.
Тренчовски во досегашната тренерска кариера беше на кормилото на Академија Пандев, го предводеше и Хоризонт Турново, а своевремено беше и селектор на репрезентацијата на Македонија до 19 години.
