Рома запиша тесна, но исклучително значајна победа против Комо со 1-0 на „Олимпико“, во последниот меч од 15. коло во италијанската Серија А. Клучниот момент се случи во 61. минута, кога бразилскиот бек Весли Франса со силен и прецизен удар ја испрати топката во мрежата и му ги донесе целиот плен на римскиот состав.
Со овие три бода, „волчицата“ се врати на победнички колосек по двата врзани порази од Наполи и Калјари и сега се искачи на четвртата позиција на табелата со 30 бодови, на само три бода зад водечкиот Интер.
Комо, од друга страна, го забележа вториот пораз по ред, по убедливиот неуспех против Интер во претходното коло, и остана седми со 24 бодови.
Првиот дел мина со малку закани кон двата гола.
Во акцијата што резултираше со погодок, се истакна сè поконзистентниот и покреативен Матијас Суле. Тој прецизно го проигра Ренш по левата страна, Холанѓанецот проби и нафрли во казнениот простор, каде Суле со гради ја прими топката и веднаш ја остави за Весли Франса, кој од околу 13 метри со удар од прва ја смести во спротивниот агол.
Рома, заедно со лидерот Интер, е единствениот тим во Серија А кој сезонава сè уште нема реми, со биланс од 10 победи и пет порази.
