Германскиот бундеслигаш Борусија Дортмунд нема добиено официјална понуда од Арсенал за крилниот напаѓач Џулијан Брант. Тој е една од желбите на менаџерот на „топчиите“, Микел Артета, како можно засилување за Арсенал во зимскиот преоден рок. Но, спортскиот директор на германскиот тим Михаел Цорк вели дека досега нема никакви преговори меѓу двата клуба.
„Прочитав и јас во медиумите дека Арсенал е заинтересиран за нашиот фудбалер. Но, нема се уште официјална понуда, ниту било какви преговори. Оттаму, нема и што да се коментира се додека ситуацијата не се промени“, изјави Михаел Цорк.
Медиумите на Островот најавуваат дека Артета е сериозно заинтересиран за ангажман на Џулијан Брант, посебно откако пропадна обидот да биде доведен Хусем Ауар од Лион.
