Доналд Трамп повторно го привлече вниманието на јавноста со своите коментари на сметка на Томас Тухел, приклучувајќи се кон критичарите кои сметаат дека селекторот на Англија направил грешка во завршницата на полуфиналниот натпревар на Светското првенство против Аргентина.
Англичаните имаа предност од 1-0, но во финишот примија два гола и останаа без пласман во финалето.
Американскиот претседател зборуваше за натпреварот за време на приемот организиран од ФИФА во Њујорк, на кој присуствуваше и претседателот на Светската фудбалска федерација, Џани Инфантино. Особено внимание му привлече одлуката Хари Кејн во завршните моменти од мечот да има поофанзивна улога во одбранбените задачи.
„Водеа, а потоа го повлекоа својот најдобар играч во одбрана. Си реков: ‘Што прави Хари Кејн во одбрана?’ Тоа беше малку необично“, изјави Трамп.
Тој потоа го пофали капитенот на Англија, нагласувајќи дека го познава и надвор од фудбалските терени.
„Хари Кејн е одличен играч. Тој е мој пријател. Играме голф заедно. Одличен човек“, додаде Трамп.
Во меѓувреме, Томас Тухел се осврна на критиките за неговите одлуки во полуфиналето и порача дека не смета дека погрешил во водењето на натпреварот.
„Немам за што да жалам. Одлуките ги носам врз основа на искуството, инстинктот и она што во тој момент сметам дека е најдобро за тимот“, изјави Тухел.
