Најтрофејниот македонски клуб Вардар продолжува со активностите околу постоечкиот играчки кадар. Нов договор потпиша фудбалерот за врска, Димитар Тодоровски.
Тој ќе го носи дресот на Вардар најмалку до јуни 2028 година.
“Задоволни од прикажаното во досегашните настапи, начинот на работа, дисциплината, упорноста, желбата за успех на овој млад играч, ФК Вардар АД гледа блескава иднина на Димитар Тодоровски во црвено-црното семејство. На заедничко задоволство, извршниот директор на ФК Вардар АД, Миленко Неделковски, и играчот за врска Димитар Тодоровски, потпишаа договор до јуни 2028 година“, информираа од ФК Вардар.
