Големото дерби од 21. коло во Првата лига меѓу екипите на Вардар и Шкендија, кое е закажано за четврток (05.03.2026) со почеток од 14:00 часот, дефинитивно ќе се одигра на комплексот на Фудбалската федерација на Македонија – „Петар Милошевски“.
И покрај најавите дека натпреварот можеби ќе се игра на Арената „Тодор Проески“, сепак е донесена конечна одлука мечот да се одигра на терените на ФФМ.
Вардар оваа пролет сите домашни средби ги одигра токму на овој терен, против Арсими, Башкими, како и дуелот против Охрид во Купот на Македонија.
