Фудбалерите на Барселона по голема мака остварија победа (0-2) против Гвадалахара и се пласираа во следната фаза од Купот на Кралот.
Иако беа гости, очекувано имаа поголема контрола и беа подобар тим на натпреварот, но тешко доаѓаа до погодок и водство.
Првото полувреме заврши без голови, што донесе дополнителна нервоза кај играчите и навивачите на Барселона.
Минутите минуваа и во второто полувреме, а на семафорот сè уште стоеше 0-0.
Се редеа шанси пред голот на домашниот тим, но топката едноставно не сакаше да заврши во мрежата.
Првиот гол беше постигнат во 77. минута, кога Кристенсен, со доста среќа, успеа да го совлада домашниот голман и да ѝ донесе водство на својата екипа.
По тој погодок, домаќините во следните десет минути тргнаа во напади со надеж дека ќе стигнат до израмнување, но без успех.
На крајот, Барселона го постигна и вториот гол преку Рашфорд во 90. минута, со што го потврди пласманот во следната рунда.
Барселона до крајот на оваа година ќе одигра уште еден натпревар на гостински терен, и тоа против Вилјареал.
