Капитенот на Барселона, Френки де Јонг, исто така отворено зборуваше за настапот на судијата Хил Манцано по поразот од Реал Сосиедад. Тој сподели дека за него однесувањето на судијата било срамно.
„Заслуживме да победиме, имавме многу шанси. На крајот требаше да ги реализираме. Игравме многу добро, но ни недостигаше завршниот удар. Ремиро одигра одличен натпревар“, започна Де Јонг.
Потоа, сепак, не го одмина настапот на судијата.
„Ако е офсајд, тогаш е офсајд. Нема друга опција. Ни рекоа дека не е. Истото се случи и тука минатата година. Дури не можеш ни да разговараш со судијата. Јас сум капитен, а тој ме гледа како да сака да каже: ‘Јас сум над тебе.’“
Холанѓанецот додаде: „На крајот од натпреварот, во судиското продолжение, постојано му велев да го следи часовникот, колку време ја одолговлекуваат играта. Нормално е тие да го прават тоа, но Хил Манцано не додаде ништо. Тоа е срамно, а на крајот ми покажа жолт картон.“
