Новопечениот македонски репрезентативец Давид Тошевски потврди дека се наоѓа во одлична голгетерска форма постигнувајќи хет-трик за својот тим Австрија Клагенфурт во триумфот од 2-3 на гости против Хартберг. Тошевски беше стрелец на сите три гола за својот тим.
Тој во последмите мигови од првиот дел израмни на 1-1 откако Авдијај донесе предност за Хартберг, а во второто полувреме стрелаше во 63. и во 84.минута, кога и дефинитивно обезбеди триумф за својот тим.
Давид Тошевски на мечот против Лихтенштајн (0-3) во Вадуц го имаше и своето официјално деби за А-репрезентацијата на Македонија.
