Давид Тошевски дополнително повикан во А-тимот, Ристовски и Ќамили отпаѓаат поради повреди

Селекторот на фудбалската репрезентација на Македонија, Благоја Милевски, упати дополнителен повик за Давид Тошевски, напаѓачот на Австрија Клагенфурт, кој се приклучува на националниот тим за претстојните натпревари против Лихтенштајн и Велс.

После првиот тренинг селекторот Милевски се соочи со непланирани проблеми поради повреди на двајца фудбалери.

Милан Ристовски и Лирим Ќамили нема да бидат во составот на македонската репрезентација за претстојните натпревари против Лихтенштајн и Велс.

Како замена, селекторот дополнително го повика Давид Тошевски од Австрија Клагенфурт.

Настапот на Стефан Ашковски останува неизвесен поради повреда на зглобот, а неговата состојба ќе биде дополнително проценета од медицинскиот тим.