Македонскиот фудбалер Давид Бабунски доби посебно признание како специјален гостин на „Етихад“ за денешниот натпревар од Премиер – лигата меѓу Манчестер Сити и Тотенхем. Причината за оваа чест лежи во уникатниот факт дека Бабунски е еден од ретките играчи кој имал привилегија да соработува со двајцата менаџери на овие тимови – Пеп Гвардиола и Анге Постекоглу.
Бабунски е производ на познатата академија на Барселона, каде што за време на своите млади години имаше можност да тренира со првиот тим, кој тогаш беше воден од Гвардиола. Подоцна, во неговата кариера, тој работеше под водство на Анге Постекоглу во Јапонија, во тимот на Јокохама Ф. Маринос.
Во интервјуто што го даде, Бабунски ги опиша стиловите на работа на двајцата врвни тренери, нагласувајќи ги нивните различни пристапи, но и заедничката страст за фудбалот и тактичките иновации.
