Постои голема веројатност авантурата на Дарвин Нуњез во Саудиска Арабија да заврши по само половина сезона. Напаѓачот на Ал-Хилал може да стане дел од размена со Фенербахче, откако актуелниот лидер во саудиската лига покажува интерес за Јусеф Ен-Несири.
Уругвајскиот напаѓач не е задоволен во својот сегашен клуб и е отворен за трансфер, особено ако тоа значи враќање во европскиот фудбал.
Покрај тоа, Ал-Хилал одамна го следи Ен-Несири, па би ја прифатил и размената со истанбулскиот клуб. Саудиските медиуми, сепак, не прецизираат дали трансферот би вклучувал финансиска компензација за тимот од Ријад.
