Македонскиот репрезентативец Дарко Чурлинов продолжува со одличните настапи во полската Екстракласа, а вечерва постигна прекрасен гол во победата на Погон Шчечин од 2-0 против Виечиста Краков.
Чурлинов беше стрелец на првиот гол на натпреварот во 59. минута и тоа на навистина атрактивен начин. Македонецот најпрво со одличен дриблинг се ослободи од својот чувар, а потоа испрати силен и прецизен удар во мрежата, оставајќи го противничкиот голман без шанса.
За Чурлинов ова беше втор првенствен погодок сезонава, со што уште еднаш потврди дека се наоѓа во одлична форма.
Погон во продолжението успеа да постигне уште еден гол и да ја завери победата со конечни 2-0.
Со новите три бода, тимот од Шчечин се искачи на петтото место во Екстракласа со 12 освоени бодови, а Чурлинов повторно имаше значаен придонес во успехот на својот тим.
