Челси покажува сериозен интерес за ангажман на фудбалерот од средниот ред на Лајпциг, Чави Симонс и се придвижува кон реализација на трансферот, објави холандскиот „Спортс Зоун“. Според овој извор, англискиот клуб веќе постигнал договор за личните услови со 22-годишниот холандски репрезентативец.
Во преговорите активно бил вклучен и менаџерот на Челси, Енцо Мареска. Германскиот клуб, пак, има намера да инкасира до 80 милиони евра за Чави Симонс.
Во сезоната 2024/25, Симонс постигна 10 голови и забележа осум асистенции на 32 натпревари за „биковите“ во сите натпреварувања. Неговиот договор со Лајпциг важи до 30 јуни 2027 година.
