Челси и Манчестер Јунајтед ремизираа без голови во дербито на „Стемфорд бриџ“. Со ова реми, „црвените ѓаволи“ се искачија на второто место со бод пред Лестер, а Челси се доближи само на бод до четвртопласираниот Вест Хем.
Томас Тухел и Оле Гунар Солскјер одиграа шаховски фудбал, без премногу простор за противникот не сакајќи да го загубат натпреварот. Хаким Зијеч се закани кон голот на Де Хеа, Скот Мектоминај и Фред можеа да донесат триумф за гостите. Но, на крајот, поделба на бодовите, без постигнат погодок.
