Англискиот премиерлигаш Челси и официјално го именуваше Лиам Розениор за нов менаџер. Тој досега го предводеше францускиот Стразбур, а потпиша договор до 2032 година.
“Чест ми е што сум назначен за тренер на Челси. Ова е клуб со уникатен дух и голема историја на освојување трофеи. Верувам во тимска работа, единство, заедништво и тие вредности ќе бидат во сржта на сè што правиме, тие ќе бидат основа на нашиот успех. Возбуден сум што ќе работам со оваа исклучително талентирана група играчи. Сакам да ги направам нашите навивачи горди“, изјави Лиам Розениор.
Англискиот стратег ќе го наследи Енцо Мареска, кој го напушти клубот од “Стемфорд бриџ” на 1. јануари.
