Легендата на Реал Мадрид, Лука Модриќ, имал јасна намера да ја заврши својата играчка кариера во дресот на „кралевите“ и бил подготвен да направи значителни финансиски отстапки, открива „Ел Мундо“.
Новиот тренер на клубот, Чаби Алонсо, бил поддржувач на идејата Модриќ да остане, но знаел дека конечната одлука не е во негови раце.
Сепак, раководството на Реал се одлучило да го подмлади средниот ред, со цел водечка улога да добијат млади играчи како Аурелиен Чуамени, Едуардо Камавинга, Федерико Валверде и Арда Ѓулер.
Поради тоа, Модриќ го напушти Реал ова лето и како слободен агент потпиша со Милан, каде и натаму на 40-годишна возраст ја покажува својата класа.
Во клубот сепак постојат мислења дека присуството на хрватскиот ас, како на теренот така и надвор од него, би било значајно за одржување на рамнотежата и за подобрување на атмосферата во соблекувалната на Реал Мадрид.
