Тренерот на Реал Мадрид, Чаби Алонсо, изрази задоволство по победата со 0-3 над Овиедо во Ла Лига. Тој ги пофали своите играчи за пожртвуваноста и тимската игра што ја покажаа на теренот.
„Овиедо играше многу повлечено. Во второто полувреме и ние се вративме назад, затоа што противникот се обиде да нè притисне. Освоивме неколку важни топки во одбраната и успеавме да организираме контранапади. Но, ова беше навистина сериозен натпревар. Дејствувавме добро и со и без топка. Игравме како тим. Винисиус влезе и помогна при последните два гола, што ни донесе мирна завршница. Ќе има натпревари за сите“, изјави Алонсо.
Тој нагласи дека ротациите зависат од потребите на тимот и од противникот.
„Промените од натпревар до натпревар зависат од тоа што ни е потребно на теренот и од тимот што е пред нас. Сè уште немам донесено одлука за следниот месец. Важно е секој во составот да се чувствува значаен и подготвен за следниот натпревар. Мора да ја задржиме стабилната игра во нашите настапи како екипа. По мечот со Осасуна, сега се виде дека има напредок и мора да продолжиме во тој дух.“
Алонсо истакна дека ќе смета на целиот ростер во текот на сезоната:
„Имам над 20 играчи во составот и ќе се обидам да го извлечам најдоброто од сите нив. Винисиус денеска имаше клучна улога, а мојата желба е секој да придонесува. Тоа ќе биде главната тема на оваа сезона.“
