Репрезентацијата на Португалија беше принудена да го прекине тренингот и да ја откаже планираната прес-конференција поради неповолни временски услови во Флорида.
Фудбалерите мораа предвреме да го напуштат теренот поради силни грмежи и обилен дожд во Палм Бич, каде што европската селекција ги одржува своите подготовки.
Прес-конференцијата на португалската репрезентација исто така беше откажана поради безбедносни причини и опасност од невремето.
Предводени од Кристијано Роналдо, Португалците се подготвуваат за својот прв натпревар на Светско првенство 2026, кој ќе го одиграат во среда против Демократска Република Конго.
Останати противници на Португалија во групната фаза се Узбекистан и Колумбија.
