Бруно Гимараеш во јануарскиот преоден рок најверојатно ќе направи трансфер, откако неименуван англиски клуб ја активирал неговата клаузула вредна 100 милиони фунти. Бразилецот речиси сигурно ќе остане во Премиер – лигата, но во нов клуб и за астрономска сума.
Неговиот премин од Лион во Њукасл своевремено предизвика изненадување, особено ако се земе предвид интересот од европските гиганти како Барселона, ПСЖ и Арсенал.
„Чавките“ тогаш издвоија 42 милиони евра, но сега се наоѓаат во позиција да остварат повеќе од двојна заработка. Во договорот на Гимараеш е вклучена откупна клаузула од 100 милиони фунти, сума што би можела да биде активирана.
Најверојатно се работи за Челси, иако и Манчестер Сити долго ги следи настапите на Бруно Гимараеш.
