Македонскиот прволигаш Брера денеска ги почна подготовките за пролетниот дел од првенството кои ќе се реализираат во три фази. Првиот дел ќе се одвива во Струмица, а потоа струмичани ќе заминат на подготовки во Грција од 20 до 31 јануари, каде ќе одиграат и неколку пријателски натпревари.
Последната фаза повторно ќе ја реализираат на свој терен во Струмица, пред стартот на вториот дел од сезоната.
Брера напролет ќе биде ослабена, со оглед дека замина одличниот напаѓач Фахд Нзенге кој како слободен агент се пресели во Шкендија. Сепак, најавите се дека ќе пристигнат неколку нови имиња во тимот на Мартин Алаѓозовски.
