Брера го промовираше Филип Антовски

Македонскиот прволигаш Брера Струмица го промовираше левиот бек Филип Антовски како ново засилување на клубот.

Поранешниот младински репрезентативец на Македонија потекнува од Вардар, а потоа направи трансфер во вториот тим на Динамо Загреб.

Играше како позајмен во Славија Софија, потоа во Б – тимот на Австрија Виена, а потоа во хрватскиот тим Истра.

Во 2023 година настапуваше во Карвина во Чешка, а сега се враќа во македонскиот шампионат.