Брегалница продолжува со политиката на ангажирање млади и перспективни фудбалери од Штип. Најново засилување на „сино-белите“ е 20-годишниот Андреј Велков, кој игра на позицијата лев бек и од кого се очекува да донесе квалитет плус на двете страни од теренот.
Велков досега во кариерата го носеше дресот на Брегалница, Брера Струмица и Тиквеш, а има и богато репрезентативно искуство за својата возраст. Тој ги помина младинските селекции на Македонија до 19 години, додека неодамна беше дел и од репрезентацијата до 20 години.
Минатата недела Велков настапи за Македонија У20 на Медитеранските игри во Таранто, Италија, каде што со своите настапи остави одличен впечаток.
По настапот на меѓународната сцена, младиот дефанзивец повторно се враќа во својот матичен клуб, каде што ќе има можност да продолжи со развојот и да се наметне како важна опција во составот на Брегалница.
