Напаѓачот на Борусија Дортмунд, Карим Адејеми, би можел да го напушти клубот ова лето, пренесува „Скај Германија“. Раководството на финалистот во Лигата на шампионите ја разгледува можноста да го продаде 22-годишниот Германец и е подготвено да ги слушне понудите за играчот.
За Адејеми сериозно се интересираат неколку клубови од Премиер – лигата.
За Борусија Дортмунд игра од јули 2022 година. Во сезоната 2023/24 забележа 33 настапи во сите натпреварувања, постигнувајќи пет гола и две асистенции. Неговиот договор е до летото 2027 година.
Вредноста на Адејеми е проценета на 28 милиони евра.
