Фудбалскиот викенд во Премиер – лигата донесе големо изненадување – Борнмут по вторпат сезонава го победи Арсенал, овојпат на „Емирати“ со 1-2, иако домаќините водеа на полувреме.
И покрај раното водство од Деклан Рајс, кој со својот трет погодок во сезоната донесе предност за лондончани, Арсенал делуваше фокусирано само во првиот дел. Со мислите очигледно насочени кон полуфиналниот реванш во Лигата на шампионите против ПСЖ, „топчиите“ во второто полувреме потклекнаа.
Борнмут, инспириран и борбен, направи целосен пресврт преку Дин Хујсен во 67.минута и Еванилсон во 75.минута, со што го повтори успехот од првиот меѓусебен дуел оваа сезона.
Во другите натпревари од попладневната програма, Лестер славеше над Саутемптон со 2-0, Евертон и Ипсвич одиграа 2-2.
