Официјалниот дел од сезоната е завршен, но Борец и Брегалница попладнево одиграа пријателски натпревар во Велес, и тоа со хуманитарен карактер, со оглед на фактот дека сите приходи беа наменети за помош на деца болни од церебрална парализа.
И двата тима настапија со комбинирани состави, но подобро на теренот се снајдоа гостите од Штип, кои на крајот триумфираа со 2-4 со головите на Марио Рунтев, Мартин Стојанов, Пепи Ѓоргиев и Филип Миленковски.
