Фенербахче ја загуби трката за шампионската титула во Турција од Галатасарај, а првиот човек на клубот Али Коч тргнува во кампања за нов мандат. И негова желба за ново големо засилување за следната сезона е Карим Бензема.
Французинот не е најсреќен во Саудиска Арабија, а Коч веќе имал средба со напаѓачот на Ал-Итихад на кого му го претставил проектот на турскиот клуб со надеж дека ќе биде заинтересиран.
Доколку Бензема се согласи да дојде во Фенербахче, тоа речиси сигурно значи и заминување на Един Џеко од клубот.
Евентуалното доаѓање на Бензема моментно е ударна вест во Турција, но сѐ уште не е познато колкави се реалните шанси поранешниот напаѓач на Реал Мадрид да го засили Фенербахче.
