Бојан Миовски ги минува последните денови како играч на Џирона. Шпанскиот клуб реши да се раздели со македонскиот напаѓач само една година по трансферот од Абердин.
Нашиот голгетер сака враќање во Шкотска, а според медиумите од Островот, неговата прва желба е Глазгов Ренџерс. Македонецот веќе добил дозвола да преговара со „сино-белите“ од „Ајброкс“, иако и Селтик покажува интерес.
Миовски инсистира во евентуалната позајмица да има задолжителна откупна клаузула – за да не се врати во Џирона. Целта е јасна: нов почеток во лигата во која блескаше со дресот на Абердин, каде постигна 44 гола во две сезони.
Со проблеми во нападот, Ренџерс го гледа како идеално засилување и му нуди статус на стандарден првотимец.
