Connect with us

Бледи Шкемби: Победата против Вардар е многу важна за моралот на тимот, фудбалерите го оставија срцето на теренот

Тренерот на Струга ТЛ, Бледи Шкемби, е презадоволен од триумфот над Вардар (0-1) во дербито од 12. коло во Првата македонска фудбалска лига. Тој истакна дека трите бода имаат големо значење за самодовербата на екипата, особено затоа што се освоени против директен конкурент.

„Ова е многу важна победа за моралот на тимот, но и затоа што триумфот против директен ривал има посебно значење. Сакам да им честитам на фудбалерите за жртвата што ја направија. Овие три бода се целосно нивна заслуга“, изјави Шкемби.

Стратегот на стружани дополнително го потенцираше залагањето на своите играчи, кои, според него, успешно се справиле со тешките моменти во текот на натпреварот.

„Многу сум задоволен од победата. Веќе кажав дека момците го оставија срцето на теренот и успеаја да менаџираат многу тешки ситуации во текот на играта“, додаде Шкемби.

Advertisement
Advertisement
Advertisement

Facebook

Тимови