Македонскиот второлигаш Охрид Лихнидос промовираше ново засилување за продолжението на сезоната, откако клубот постигна договор со искусниот Благоја Спиркоски.
Со неговото доаѓање, охридскиот тим добива квалитет и стабилност во средниот ред, што треба да биде значаен адут во амбициозната трка за пласман во Првата македонска фудбалска лига.
„Спиркоски ни пристигнува од Кожуф и за нас претставува едно од клучните засилувања во битката за елитата. Станува збор за фудбалер од средниот ред со богато искуство и речиси 150 настапи во Првата лига. Во текот на кариерата настапуваше за Победа, Македонија Ѓорче Петров, Пелистер, Гостивар и Тиквеш. Воедно, ГФК Охрид ги продолжи договорите со сите постојни играчи, а во следниот период ќе бидат претставени уште две нови имиња“, соопшти второлигашот од Охрид.
